— Fe em Deus na Guarda —
SETEMBRO 2018
Nos días 22 e 23 a lancha poveira (Póvoa de Varzim, Portugal) está na Guarda con motivo da romaría de Santa Trega (días 23) e coincidindo coa inauguración da exposición de marcas mariñeiras na Casa dos Alonso.
O sábado 22 pola tarde está prevista a realización de navegacións dende o Porto da Guarda, a partir das 16:00 ou 17:00 (dependendo da hora de chegada á Guarda).
Ás 19:00h na Casa dos Alonso haberá unha charla inaugural da exposición "Marcas de Pescadores", a cargo de Agustín Ferreira Lourenzo.
O domingo 23 unha representación da Póvoa de Varzim participa na misa e procesión de Santa Trega, na ermida do monte.